OS MAIORES DRAMATIZAN CONTOS PARA OS PEQUENOS

Durante o mes de abril, na hora da lectura, os nenos e nenas de 5º e 6º estiveron facendo representación de contos para infantil 1º e 2º curso. Os pequenos estiveron moi atentos e os maiores o pasaron moi ben facendo de actores e actrices. Noraboa!

PROXECTO MATEMÁTICAS

O  alumnado de 2º curso estivo traballando as matemáticas dunha forma moi práctica e divertida. Primeiro tiveron que buscar unha receita e calcular cantos ingredientes necesitaban para facer a receita para toda a clase. Despois tiveron que calcular os cartos que necesitaban para mercar os ingredientes, investigando o prezo de cada un. O paso seguinte foi o da compra no super, e por último fixeron as receitas na clase. Estaba todo riquísimo.

OS OFICIOS

O pasado martes a clase de 1º tivo a visita dun papi que veu a falarnos de como emprega as matemáticas no seu oficio.

O pai de Xandre, que se chama Cristóbal, é aparellador, é dicir, o que fai os planos das casas e de moitas outras cousas. Trouxo un montón de ferramentas  para medir; flexómetro, metro plegable, medicor láser, cinta métrica e incluso un nivel, para saber si a parede que se constrúe vai recta. 

Os de 1º mediron  e aprenderon moito.

Moitas grazas  Cristóbal.

CANTO MIDE UNHA BALEA?

O alumnado de infantil foi de visita ao museo Massó de Bueu. Despois de aprender moitos datos sobre as baleas quixeron saber canto ocuparía unha balea nun espazo real. Primeiro intentáronnno no patio cuberto pero NON CHEGABA!. Así que empregaron o pavillón. Primeiro mediron os metros e pegáronlle un número e despois indicaron ata onde chega unha balea vasca que mide 15 metros, e unha balea azul que pode medir 33 metros. Se lle gustaran os nenos paparía enteiriña á clase de 5 anos!!

ATRAPACONTOS

O día do libro tamén tivemos atrapacontos. Os nenos e nenas de 3º 4º 5º e 6º contáronlle os contos escollidos aos pequenos. Como choveron unhas gotas non poidemos facelo fóra. A ver para o mes que ven.

DÍA DO LIBRO

O venres 22 de abril, celebramos o día do libro no colexio do Hío.

A biblioteca estaba engalanada para a ocasión con todas as novidades e adquisicións  do curso escolar. Ao rematar Agata e Paco nos regalaron un marcapáxinas e unha lambonada.

VIVAN OS LIBROS!!

OS OFICIOS E A MATEMÁTICA

Estamos intentando organizar unhas xornadas para dar a coñecer oficios que usen a matemática como ferramenta habitual; costureir@s, peixeir@s, aparellador@s, cociñeir@s, panadeir@s …ou daquelas que usen medidas que non son as do sistema métrico decimal; ferrados, varas como poden ser xente que se adique ao campo ou a elaborar viño.

A actividade consistiría en dar unha pequena explicación do oficio e como se empregan as matemáticas. Sería interesante que se acompañe a explicación con algunha das ferramentas que se usan habitualmente nese oficio; cinta métrica, báscula, metro …

A actividade está organizada por biblioteca e dinamización lingüística polo tanto terá que ser en galego. A hora prevista será de 12:05 a 12:25 aproximadamente(Tamén pode ser outra hora que vos vaia mellor contactar con Geni ou Nevenka)

Se tendes nas familias alguén que desempeñe un destes oficios e queira participar que cubra a ficha seguinte:

-----------------------------------------------------------

FICHA DE INSCRIPCIÓN

NOME……………………………………………..

OFICIO………………………………………….

DATA…………………………………………….

Escoller o día da charla (entre o 18 de abril e o 12 de maio)