Recomendacións Lectoras

 Aquí tedes as recomendacións lectoras que fixemos entre todas as bibliotecas do Morrazo. 

Feira da ciencia

Aquí está o resumo da interesante semana da ciencia onde os alumnos se convertiron en mestres do resto do alumnado e das familias. Viva a ciencia.

Entrega diplomas voluntariado

 Recoñecemento ao voluntariado de 5º e 6º que fixo posible un mellor funcionamento da biblioteca. Moitas grazas!

Entrega Premios Primavera Literaria

 Hoxe foi a entrega dos premios da Primavera Literaria. Grazas á editorial Rinoceronte de Cangas, todos os participantes recibiron un libro como agasallo. Os premiados levaron outro pequeno agasallo de parte de Agata e Paco.  Os textos quedarán arquivados nunha carpeta, na biblioteca. Grazas a todos e todas por participar.

O coro visita a Galescola

Hoxe pasamos unha estupenda xornada na Galescola do Hío. Despois de cantar invitáronnos a unha super merenda. Pasámolo moi ben en compañía dos pícaros de 0 a 3 anos. Moitos recordamos como foi o noso paso por esta Galescola hai uns aniños. Que recordos da patinaxe en xelatina ou da experiencia de debuxar no chocolate. Noraboa ao traballo das profes da escola infantil e esperamos que consigan todas as súas reinvindicacións.

Despedida Atrapacontos

Hoxe fixemos o último atrapacontos deste curso. As parellas lectoras déronse uns agasallos feitos por eles mesmos. Como era un día moi especial, decidimos baixar á biblioteca Municipal do Hío para facer alí as nosas últimas lecturas. Foi moi bonito!

MÚSICA E POESIA

 Seguindo coa celebración das letras galegas. Este luns haberá unha actuación do coro escolar e un recitado de poemas de Vanessa Paz. Será no salón de actos a partir das 4 da tarde para que poidan asistir as familias. Feliz día das letras galegas!

ACTUACIÓN DO CORO PARA AS FAMILIAS RECITADO DE VANESA PAZ

LETRAS GALEGAS 2026

 O venres 15 de maio celebramos o día das Letras Galegas. O alumnado de 5º fixo un resumo da homenaxeada deste ano, Begoña Caamaño e a continuación todos xuntos, bailamos as coreografías preparadas por Manolo Cobas e coordinadas polo equipo de Dinamización lingüística. Como no Hío sobra talento, as pandeireteiras, o cuarteto de música tradicional e as alumnas de "Compartindo coñecementos" fixeron as súas actuacións demostrando que temos futuro na música tradicional. So falta que non nos esquezamos de empregar a nosa lingua que está a perder falantes ano tras ano. Por mil primaveras máis, QUE VIVA O GALEGO E AS NOSAS TRADICIÓNS!

PRIMAVERA LITERARIA

 

Enlace primavera literaria 

CORRELINGUA 2026

O departamento de dinamización lingüística en colaboración coa CIGA, organizou a saída a Moaña para celebrar a festa da lingua. Coma todos os anos os gaiteiros "Os do Serán" nos acompañaron no percorrido que rematou na palco da música. Alí nos esperaban os manifestos a prol da nosa lingua e unha banda de rock chamada "Mekanika Rolling Band" que nos fixeron saltar e bailar coma tolos e tolas. Non esquezades empregar a lingua galega. Por mil primaveras máis!

RUTAS DE SENDEIRISMO

O departamento de Educación física planificou esta actividade para o 1º ciclo que consiste en levar a Agata e Paco de ruta. Cada mochila ten unha mascota da biblio cunha libreta para recoller a experiencia e así poder mostrarlla a outras familias.

ATRAPACONTOS ABRIL

 

XORNADA DE CREACIÓN ESCRITA

LECTURA E FAMILIAS

Primavera Literaria

DÍA DO LIBRO

Visita a biblioteca que está agardándote chea de novidades e sorpresas!

E aquí vai o resumo da xornada. Os máis pequenos celebraron o día do libro asistindo á obra de teatro "A toupiña que quería saber quen lle fixera aquilo na cabeza", así que visitaron a biblioteca ao día seguinte.

O COIDADO DO MEDIO AMBIENTE

Claudio veu informarnos ds actuacións que están levando a cabo para sanear a ría de Aldán. Nesta ocasión veu entregarnos unhas chapas de agasallo e sorteou unha camisetas agradecendo a nosa participación nos debuxos que fixemos para coidar o medio ambiente. Tamén saímos no Faro de Vigo.

BIBLIOTECA CREATIVA

Aproveitando a visita de Xavi Lozano, organizamos polo programa bibliotecas creativas, 2 obradoiros de construcción de instrumentos. Aquí temos un resumo. Que doado é facer un instrumento!

XABI LOZANO

O 13 de marzo tivemos unha visita excepcional. Coñecemos ao músico Xavi Lozano que nos fixo unha impresionante demostración de como calquera obxecto que teña un tubo oco pode ser susceptible de convertirse nun instrumento. Aquí temos un resumo do seu asombrososo concerto.

CLUB DA CIENCIA

O mestre Adrian Pumar impartiu un obradoiro de programación para o alumnado apuntado no club da ciencia. Dous grupos fixeron programación para crear un instrumento de froitas e os outros grupos programaron a traxectoria dun coche feito con pezas lego. Aquí está o resumo. pasáronno xenial!

BIBLIOTECAS VIVENTES

 O 9 de Marzo celebramos o día da muller coa actividade biblioteca vivente. Contamos con 5 mulleres relacionadas coa ciencia: Alia, matrona, Lourdes, pediatra, María, veterinaria, Rebeca, farmacia e Clara oceanógrafa. O alumnado de 3º a 6º escolleu nos días previos, a qué muller quería escoitar e preparou preguntas para facerlles. Foron unhas charlas moi participativas. moitas grazas por contarnos as vosas vivencias e inspirar a futuros científicos e científicas!

DÍA DA MULLER

O día da Muller celebrámolo cunha exposición sobre biografías de mulleres científicas que previamente elaboraron entre os cursos de primaria e un concurso sobre as biografías. Os participantes do concurso recibiron uns cromos que ían pegando no álbum de mulleres científicas. Ademais houbo un sorteo entre os acertantes que levaron un pequeno agasallo. No curso de 5º fixeron a súa propia liña do tempo e tamén uns cromos personalizados!

Dia de Rosalía

O 23 de febreiro celebrouse o día de Rosalía. O alumnado de 4º preparou un recitado e o equipo de dinamización lingüística preparou unha exposición dos libros da biblioteca e outros xogos. Un deles feito polo alumnado.

O ENTROIDO XA ESTÁ AQUÍ

PREPARADOS? LISTOS?

XA FALTA POUCO PARA O ENTRUIDO E AS FAMILIAS VIÑERON AXUDAR A COLOCAR OS ARCOS.

DÍA DA PAZ

Para celebrar o día da Paz fixemos un mural con palabras sobre a paz, puxemos en marcha o atrapacontos con libros sobre a resolución de conflictos, reflexionamos no consello da Infancia sobre a forma que temos de resolver os nosos conflitos e o alumnado de 4º leu os seus manifestos da paz.

 

Feira do expurgo

Polo Nadal puxemos en marcha a campaña libros por alimentos. O alumnado foi traendo alimentos non perecederos para o Comedor Social a cambio dun libro do expurgo. Tivo un grande éxito. Volveremos poñela en marcha no mes de xuño.

11 DE FEBREIRO. DÍA DA MULLER NA CIENCIA

Desde o colexio animamos a todas as nenas a interesarse pola ciencia. Noutros tempos a muller non era considerada o suficientemente intelixente como para desempeñar unha profesión científica. Moitas historias de mulleres importantes na ciencia foron anuladas ou silenciadas. Agora demostramos que tamén na ciencia están recuperando o lugar que lles corresponde. As actividades que fixemos foron unha exposición sobre mulleres científicas, o magnífico traballo que a universidade de Vigo fixo hai uns anos coas máscaras de mulleres científicas e un concurso para documentar que aportaron mulleres como Rosalind Franklin á ciencia.  Ademais expuxemos 3 trompos decorados con mulleres científicas: Angeles Alvariño, Rosalin Franklin e Jane Goodal, feitos polas familias.

CARTEL DO ENTROIDO FINALISTA

A nosa alumna Xonxa quedou finalista do concurso de carteis organizado polo Concello de Cangas para anunciar o Entruido,  cun precioso deseño inspirado no entruido de Vilanova. noraboa Xonxa!. Este ano  quixeron recuperar a palabra que antigamente se empregaba en Cangas para referirse á festa do Entroido. 

CHARLA SOBRE O ENTRUIDO

 No colexio xa estamos quentando motores para o Entroido. Este martes viñeron falar do Entroido Claudia, presidenta de Nerga, acompañada do gaiteiro e compositor  Nico García e Lorena, presidenta de Pinténs. Faláronnos do Entroido de antes e puxéronnos algúns vídeos para explicar a tradición e o reto de conservala. O alumnado de 5º e 6º estivo moi atento. Algúns alumnos e alumnas de sexto serán este ano presidentes das súas comparsas no colexio e tomaron boa nota das funcións de ser presidentes.